TEKS PRANATACARA (6)

Sugeng enjang lan Berkah

DalemPanjenenganipun kepala sekolah SMK PGRI 3 Randudongkal ingkang minulya. Panjenenganipun ketua komite SMK PGRI 3 Randudongkal, saha para bapak/ibu guru lan karyawan SMK PGRI 3 Randudongkal ingkang kinurmatan, lan para kanca ingkang kula tresnani.

Langkung rumiyin sumanggan kita sami ngaturaken puji syukur dhumateng Gusti ingkang maha asih, ingkang sampun paring berkah dhumateng panjenengan lan kula satemah wonten ing wekdal menika panjenengan sedaya, dalasan kula saged ngrawuhi undangan wonten ing tata adicara Tanggap warsa SMK PGRI 3 Randudongkal kaping 36 kanthi wilujeng mboten wonten alangan menapa kemawon.

Salajengipun wonten ing kalenggahan menika kula ingkang kapiji supados dherekaken lampahing adicara wonten ing kalenggahan menika keparenga uninga menggah reroncening adicara, wonten ing kelenggahan menika sepindah pambuka. Ongko kalih ipun atur pambagya harja saking ketua panitia ingkang badhe dipun salirani panjenenganipun ketua panitia. Ongko tiga, atur pangandika saking kepala sekolah SMK PGRI 3 Randudongkal ingkang badhe dipun salirani panjenenganipun Bapak Suranto M.pd.  Adicara ingkang ongko sekawan inggih menika pangandika saking wakil siswa/siswi SMK PGRI 3 Randudongkal. Adicara salajengipun inggih menika sumene kaseling hiburan. Pungkasaning adicara tanggap warsa SMK PGRI 3 Randudongkal inggih menika panutup.

Bapak/ibu dalasan para sederek ingkang kinurmatan mbok bilih mekaten reroncening adicara. Sumangga sami kita wiwiti adicara pengetan tanggap warsa SMK PGRI 3 Randudongkal kanthi dedonga miturut kapitadosan ipun piyambak-piyambak. Dedonga kula dherekaken “......” Cekap, matur nuwun.

Adicara ingkang ongko kalih inggih menika atur pambagya harja saking ketua panitia, ingkang badhe dipun salirani panjenenganipun bapak Jaya. Wekdal kula aturaken sak cekap ipun. “....”  Kula aturaken agunging panuwun dhumateng Bapak Jaya.

Adicara ingkang ongko tiga atur pangandika saking kepala sekolah SMK PGRI 3 Randudongkal, ingkang badhe dipun salirani panjenenganipun Bapak Suranto M.pd. Wekdal kula aturaken sak cekap ipun. “.....” Kula aturaken agunging panuwun dhumateng Bapak ...

Adicara ingkang ongko sekawan inggih menika atur pangandika saking wakil siswa/siswi SMK PGRI 3 Randudongkal ingkang badhe dipun salirani sederek Nicolaus Nugroho. Wekdal kula aturaken sak cekap ipun. “.....” Maturnuwun dhumateng sederek Nicolaus Nugroho.

Adicara salajengipun inggih menika sumene kaselin hiburan “.....”

Bapak/ibu saha para sederek sedaya ingkang kinurmatan, atur uningan bilih adicara wonten ing kalenggahan menika sampun paripurna. Kula ingkang kapiji ndherekaken lampahing adicara mbok bilih wonten kekirangan saha kalepatan kula nyuwun pangapunten.

Sumangga adicara kita tutup kanthi dedonga miturut kapitadosan ipun piyambak-piyambak. Dedonga kula dherekaken “....” Cekap matur nuwun. Sugeng perpisahan mugi rahayu ingkang tansah sami pinanggih. Sugeng siang, matur nuwun, lan Berkah Dalem.